Sálbma.
Lávlot Hearrái ođđa lávlaga,
dasgo son lea dahkan ovddolaš daguid.
Su olgeš giehta, su bassi giehta
lea addán sutnje vuoittu.
Hearrá lea almmuhan bestojumis,
son lea almmustahttán álbmogiidda
iežas vanhurskkisvuođa.
Buorrevuođain ja oskkáldasvuođain
son lea muitán Israela soga.
Buot eatnama álbmogat leat oaidnán
min Ipmila bestojumi.
Bajit illučuorvasa Hearrái, oppa eanan!
Ávvudehket ja lávlot máidnuma!
Lávlot ja čuojahehket lyra Hearrái,
čuojahehket lyra ja lávlot!
Čuojahehket dorvviid ja trompehtaid,
bajidehket ávvučuorvasa Hearrái, gonagassii!
Máraidehkos mearra
ja buot mii dan deavdá,
eanan ja dat geat das ásset.
Spežžoset jogat gieđaid,
ávvudehkoset buot várit
Hearrá muođuid ovddas,
dasgo son boahtá ráđđet eatnama.
Son ráđđe máilmmi vanhurskásit,
álbmogiid vuoigatlaččat.
Your browser does not support HTML5 audio.
